Margeir Sveinsson, aðstoðaryfirlögregluþjónn hjá lögreglunni á höfuðborgarsvæðinu, er sagður hafa hljóðritað samtal við lögreglukonu sem hann áreitti.

Heimildin greinir frá þessu í nýjasta tölublaði sínu.

Er Margeir sagður hafa reynt að nýta sér það sem fram kom á upptökunni þegar sálfræðistofa var fengin til að leggja mat á samskipti hans við konuna.

Margeir tók við nýrri stöðu hjá lögreglu þegar hann sneri aftur úr leyfi sem hann var sendur í. Í frétt Heimildarinnar kemur fram að hann hafi verið sendur í leyfi eftir að lögreglukona kvartaði undan áreitni og ofbeldisfullri hegðun hans yfir margra mánaða tímabil.

Í umfjöllun Heimildarinnar í dag segir að Margeir hafi meðal annars gerst sekur um að þvinga konuna til að taka á móti sér á heimili hennar seint að kvöldi, senda henni stöðug skilaboð í gegnum samfélagsmiðla og sitja fyrir henni í vinnunni.

Umfjöllun Heimildarinnar má nálgast hér.