fbpx
Sunnudagur 19.október 2025
Fréttir

Stórtækur þjófur lét greipar meðal annars sópa í Langholtskirkju

Ritstjórn DV
Sunnudaginn 5. nóvember 2023 17:00

Héraðsdómur Reykjavíkur

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjavíkur hefur dæmt karlmann í fjögurra mánaða óskilorðsbundið fangelsi fyrir þjófnaðarbrot.

Maðurinn var meðal annars ákærður fyrir að hafa þann 18. febrúar 2021 stolið iPhone-farsíma að áætluðu verðmæti 100 þúsund krónur í Langholtskirkju. Hann var svo ákærður fyrir að stela súkkulaðistykkjum úr Nettó í Mjódd í júlí 2021 að verðmæti 3.900 krónur.

Brotin voru fleiri. Samkvæmt ákæru stal hann Trek Skye-fjallahjóli úr hjólageymslu í Reykjavík, en verðmæti hjólsins var tæpar 100 þúsund krónur.

Hann er svo sagður hafa brotist inn í aðra geymslu þar sem hann stal meðal annars frauðsverðum, leðurvesti og kaffivél. Um svipað leyti er hann sagður hafa stolið úr búningsklefa í ÍR-heimilinu í Austurbergi iPhone-farsíma, íþróttatösku og íþróttafatnaði.

Þá var hann ákærður fyrir að fara inn í stigahúsnæði Klassíska listdansskólans í Mjódd þar sem hann stal Xiaomi-rafhlaupahjóli að ætluðu verðmæti 59 þúsund krónur.

Maðurinn sótti ekki þing við þingfestingu málsins og hafði ekki boðað forföll. Maðurinn var sakfelldur í öllum ákæruliðum en með brotum sínum rauf hann skilorð dóms sem hann hlaut sumarið 2020. Þótti hæfileg refsing fjögurra mánaða fangelsi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Forsætisráðuneytið sagt ekki hafa brotið á Ólöfu í faðernismáli Ásthildar Lóu

Forsætisráðuneytið sagt ekki hafa brotið á Ólöfu í faðernismáli Ásthildar Lóu
Fréttir
Í gær

Heimir Karls fengið nóg: „Ég get eiginlega ekki orða bundist“

Heimir Karls fengið nóg: „Ég get eiginlega ekki orða bundist“
Fréttir
Fyrir 2 dögum

Mikil drykkja og ólæti á fótboltaleik MR og Verzló – „Við viljum ekki að þetta endurtaki sig“

Mikil drykkja og ólæti á fótboltaleik MR og Verzló – „Við viljum ekki að þetta endurtaki sig“
Fréttir
Fyrir 2 dögum

Samkeppniseftirlitið bregst við hótunum banka um vaxtahækkanir – „Brot á samkeppnislögum geta varðað ströngum viðurlögum“

Samkeppniseftirlitið bregst við hótunum banka um vaxtahækkanir – „Brot á samkeppnislögum geta varðað ströngum viðurlögum“