Lýst er eftir Sigurveigu Steinunni Helgadóttur, 26 ára gamalli konu, en ekkert hefur spurst til hennar frá því hún fór frá heimili sínu í Vesturbæ Reykjavíkur, aðfaranótt þriðjudags.

Hvarf Sigurveigar hefur verið tilkynnt til lögreglu sem mun væntanlega senda út tilkynningu í dag en þessi frétt er unnin í samvinnu við fjölskyldu hennar.

Sigurveig er 170 cm á hæð og mjög grannvaxin. Ekki er vitað með vissu um klæðaburð hennar en líkur eru á að hún hafi verið klædd í svarta síða úlpu með hettu er hún fór að heiman.

Meðfylgjandi eru nýlegar myndir af Sigurveigu og er hún með sömu hárgreiðslu og myndirnar sýna.

Þau sem kunna að hafa upplýsingar um ferðir Sigurveigar eru beðin um að hafa samband við Lögregluna á höfuðborgarsvæðinu í síma 444 1000.