Vísir greinir frá því og hefur eftir brasilíska fjölmiðlinum Metrópoles að íslenskur karlmaður hafi verið handtekinn í landinu síðastliðinn föstudag. Maðurinn mun hafa verið farþegi í flugvél sem var á leið frá Englandi til Guarulhos flugvallar sem er skammt norður af borginni São Paulo.
Eftir lendingu tilkynnti flugfreyja lögreglu að stúlka, undir 18 ára aldri, sem var farþegi og ein á ferð hefði vaknað við að Íslendingurinn var að káfa á fótleggjum hennar. Lögreglumenn nálguðust strax manninn sem fylgdi þeim á næstu lögreglustöð þar sem hann var svo formlega handtekinn fyrir kynferðislega áreitni.
