Sigurjón Þórðarson, varaþingmaður Flokks fólksins, vandar Svandísi Svavarsdóttur og skýrsluhöfundum hennar í Auðlindinni okkar ekki kveðjurnar í aðsendri grein á Vísi í morgun. Segir hann skýrsluna vera 464 plagg um hvað íslenska kvótakerfið sé frábært.

„All­ir vita að ís­lenska kvóta­kerfið hef­ur um ára­bil mis­boðið rétt­lætis­kennd þjóðar­inn­ar. Kvóta­kerfið hef­ur skilað helm­ingi minni afla á land en fyr­ir daga þess og kvótaþegar hafa kom­ist upp með að selja helstu út­flutn­ingsaf­urð þjóðar­inn­ar í gegn­um skúffu­fyr­ir­tæki í skatta­skjól­um,“ segir hinn skagfirski varaþingmaður í greininni.

Forstjórar stórútgerðarinnar í starfshópnum

Svandís hafi skipað einn fjölmennasta starfshóp Íslandssögunnar til að koma á sátt um stjórn fiskveiða. En strax hafi það alið á tortryggni í garð hópsins að í honum sátu meðal annars fyrrverandi forstjórar stórútgerðanna eða ráðgjafar sem hafi skrifað ótal skýrslur og álit í þágu stórútgerðarinnar.

„Í stuttu máli var niðurstaða 464 blaðsíðna skýrsl­unn­ar sú að ís­lenska kvóta­kerfið væri frá­bært og gild­ir þá einu að það hafi stórskaðað sjáv­ar­byggðirn­ar,“ segir Sigurjón og bætir við að fyrir liggi að álit Mann­rétt­inda­nefnd­ar Sam­einuðu þjóðanna um að kvóta­kerfið í nú­ver­andi mynd brjóti í bága við at­vinnu­frelsi og al­menna jafn­ræðis­reglu stjórn­ar­skrár­inn­ar.

„Helstu til­lög­ur nefnd­ar­inn­ar eru að breyta sem minnstu nema þá þeim 5,3% veiðiheim­ilda sem ætlað er að styðja við brot­hætt­ar sjáv­ar­byggðir. Í skýrsl­unni er talað um þetta sem fé­lags­leg­an stuðning eins og um ölm­usu sé að ræða,“ segir hann.

Erlendir auðmenn fá byggðakvóta

Sigurjón nefnir að Byggðastofnun hafi úthlutað aflamarki til byggðarlaga sem hafa enga fiskvinnslu og til fyrirtækja í eigu erlendra auðmanna. Engu að síður séu úthlutnaraðferðirnar mærðar í skýrslunni.

Þá sé enginn vilji til að auka við strandveiðarnar né taka á verðmyndun á fiski og vigta með samræmdum hætti. Með þessu sé verið að ganga gegn þjóðarvilja og hygla stórútgerðinni.

„Vinnu­brögð mat­vælaráðuneyt­is­ins voru slík að þrenn sam­tök sem voru í sam­ráðsnefnd starfs­hóp­anna hafa hafnað því al­farið að vera bendluð við skýrsl­una,“ segir Sigurjón. „Það er dap­urt að sjá en um leið kem­ur ekki á óvart hvernig skýrsl­an af­hjúp­ar frekju­gang sæ­greif­anna og hús­karla þeirra í stjórn­kerf­inu. Það sjá all­ir sem sjá vilja að þeir sem allt hafa fá aldrei nóg. Þeir kunna sér ekki maga­mál.“