Þetta kemur fram í skýrslu um þær ógnir sem steðja að Bandaríkjunum á alþjóðavettvangi. Það voru bandarískar leyniþjónustustofnanir sem gerðu skýrsluna að sögn Reuters.
Í henni kemur fram að rússneski herinn standi frammi fyrir margra ára enduruppbyggingu vegna hins mikla tjóns sem hann hefur orðið fyrir í Úkraínu. Af þeim sökum sé Rússland mun háðara kjarnorkuvopnum, tölvuhernaði og geimferðaáætlunum en áður.
Avril Haines, yfirmaður bandarísku leyniþjónustustofnanna, segir að stríðið í Úkraínu sé „úthaldsstríð“ og telur ekki að rússneski herinn nái nægum styrk á þessu ári til að ná góðum árangri í Úkraínu.
Í skýrslunni kemur fram að ef slæmt gengi Rússa á vígvellinum í Úkraínu haldi áfram sé „raunverulegur möguleiki“ á að það geti skaða stöðu Pútíns innanlands og það auki hættuna á að stríðið stigmagnist.