Arnar Sveinn Geirsson er gestur Einars Bárðar í 15. þætti hlaðvarpsins Einmitt. Arnar er forseti leikmanna samtakanna á Íslandi, mannauðsstjóri hjá SaltPay og varaformaður stjórnar Krafts, stuðningsfélags ungs fólks með krabbamein og aðstandenda. Þeir ræða um tilfinningar, afreksíþróttir, mál Söru Bjarkar og gang íslenska karlalandsliðsins á HM i Svíþjóð og margt margt fleira. 

Gummi ekki með rétt hugarfar inn í HM 

Arnar Sveinn var afar gagnrýninn á viðhorf Guðmundar Guðmundssonar í aðdraganda mótsins þegar fáir þorðu að gagnrýna landsliðsþjálfarann og í þessum þætti sem var tekinn upp eftir leik Íslands og Grænhöfðaeyja ræða þeir Einar og Arnar þessa gagnrýni Arnars. Arnar segir athugasemdir Guðmundar á gagnrýni reyndra handboltagreinenda meðal annars í HM stofu Rúv vera til marks um það að Guðmundur hafi ekki farið með rétt hugarfar inn í þetta mót. 

Geir nánast ýtt út fyrir Guðmund 2018 

Núna þegar mótið ef afstaðið hafa margir bæst á vagn þeirra sem gagnrýna Guðmund og mikið hefur verið rætt um það í kjölfar mótsins hvort hann eigi jafnvel að víkja sem þjálfari. Arnar Sveinn er þó ekki alveg hlutlaus þar sem síðasti landsliðþjálfari, Geir Sveinsson er faðir Arnars. Geir, einum af okkar fremsta handboltamanni fyrr og síðar, var nánast ýtt út þegar Guðmundur losnaði sem þjálfari frá Danmörku. Arnar er heiðarlegur með þá staðreynd og þeir Einar ræða þann aðdraganda líka. 

Spilaði fótbolta frekar undir eigin nafni

Arnar Sveinn segir í samtalinu að á endanum hafi hann valið fótboltann sem sína íþrótt þar sem hann taldi langan veg þangað til að hann myndi spila undir sínu eigin nafni í handboltanum. „Það var þannig að ég spilaði mínu fyrstu meistaraflokks leiki í fótbolta og handbolta sömu vikuna og þegar ég skoðaði umfjöllun um báða leikina varð það mér ljóst að ég myndi aldrei verða annað en sonur Geirs Sveinssonar í handboltanum,”  segir hann. Fótboltinn varð þá fyrir valinu og Arnar átti góðan feril með Valsmönnum.

Hlusta má á viðtalið í heild sinni hér.