Ekki er útilokað að Bandaríkin muni láta Úkraínumönnum skriðdreka í té. Það verður þó ekki gert núna því enn skortir upp á menntun úkraínskra hermanna í meðferð þeirra.

CNN hefur þetta eftir heimildarmanni innan Bandaríkjahers. Hann sagði að verið sé að skoða heildarmynd úkraínska hersins og hvað hann hefur þörf fyrir í framtíðinni og hvernig Bandaríkin og bandamenn þeirra geta hjálpað við að útvega það sem vantar.

Hann sagði að eins og staðan sé núna séu engar fyrirætlanir uppi um að láta Úkraínumenn fá langdræg flugskeytakerfi sem geri þeim kleift að ráðast á skotmörk langt að baki víglínunni.