Á upptöku, sem er hægt að horfa á hér fyrir neðan, sést þegar rússneskum BMP-2 skriðdreka er ekið út úr trjáþyrpingu og stöðvaður fyrir framan úkraínska hermenn. Hvítir fánar, merki um uppgjöf, blakta á skriðdrekanum. Áhöfnin sést síðan gefast upp fyrir úkraínsk hermönnunum.

Að sögn breskra fjölmiðla var myndbandið tekið í Kherson í suðurhluta Úkraínu.

Þegar áhöfn skriðdrekans er komin út úr honum sjást úkraínsku hermennirnir leita á mönnunum og taka vopn þeirra af þeim. Þeir eru síðan teknir til fanga. Svo virðist sem samið hafi verið um uppgjöf rússnesku hermannanna fyrir fram.

Fyrr í vikunni var skýrt frá því að rúmlega 2.000 rússneskir hermenn hefðu hringt hjálparlínu til að fá leiðbeiningar um hvernig þeir gætu gefist upp fyrir úkraínskum hermönnum.