Jonas Gahr Støre, forsætisráðherra Noregs, ræddi við fréttamenn í morgun og sagði að stríðið í Úkraínu sé komið á nýtt og enn alvarlegra stig. Hann sagði einnig að svo virðist sem Rússar taki sífellt meiri áhættu.

Fréttamannafundurinn var haldinn vegna sífellt fleiri tilfella þar sem sést hefur til dróna við mikilvæga innviði í Noregi, til dæmis við flugvelli og orkumannvirki. Þetta hefur valdið miklum áhyggjum meðal almennings.

Á undanförnum vikum hafa sjö Rússar verið handteknir í Noregi. Á miðvikudag í síðustu viku var einn Rússi handtekinn vegna meints drónaflugs hans í Noregi. Alls voru fjórir Rússar handteknir í síðustu viku. Norska leyniþjónustan rannsakar mál hans og segir að aukin hætta sé nú á skemmdarverkum í Noregi.

Støre sagði að þessar handtökur geti veirð merki um að Rússar taki meiri áhættu en áður og ekki eigi að koma á óvart ef fleiri verði handteknir.

The Bartents Observer og Aftenposten segja að maðurinn, sem var handtekinn á miðvikudag í síðustu viku, sé sonur eins af nánum bandamönnum Pútíns. Sá er á lista Bandaríkjanna yfir þá Rússa sem sæta refsiaðgerðum vegna innlimunar Krím í Rússland.