Staða rússnesks efnahagslíf er miklu verri en Vladímír Pútín, forseti, vill vera láta. Hann og aðrir leiðtogar landsins bera sig vel á opinberum vettvangi þegar staða efnahagsmála kemur til umræðu en á bak við tjöldin ríkja miklar áhyggjur af stöðu mála.

Þetta kemur fram í skýrslu, sem var lekið úr stjórnkerfinu. Bloomberg skýrir frá þessu. Það voru rússneskir embættismenn og aðilar utan stjórnkerfisins sem gerðu skýrsluna.

Fram kemur að það sé mat skýrsluhöfunda að stríðið í Úkraínu og refsiaðgerðir Vesturlanda hafa svo mikil áhrif á rússneskt efnahagslíf að það muni ekki komast á sama stig og það var 2021 fyrr en í lok áratugarins og jafnvel enn síðar.

Skýrslan var að sögn marga mánuði í smíðum og var unnin fyrir ráðamenn í Kreml.

Niðurstaða hennar er mjög svo á skjön við það rússneskir ráðamenn hafa sagt. Til dæmis sagði Maksim Resjetnukov, efnahagsráðherra, nýlega að reikna megi með hagvexti frá árslokum.