fbpx
Mánudagur 08.ágúst 2022
Fréttir

Fyrrum yfirskipstjóri Herjólfs dæmdur í 30 daga fangelsi

Ritstjórn DV
Mánudaginn 23. maí 2022 12:03

mynd/Herjolfur

Ekki missa af Helstu tíðindum dagsins í pósthólfið þitt

Lesa nánar

Fyrrum yfirskipstjóri Herjólfs var í síðustu viku dæmdur í 30 daga skilorðsbundið fangelsi í Héraðsdómi Suðurlands. Var honum gefið að sök að hafa siglt farþegaskipinu sautján sinnum frá Vestmanneyjum og til Landeyjarhafnar eða Þorlákshafnar með útrunnin skipstjórnarréttindi. Réttindi skipstjórans runnu út þann 20. desember 2021 en ferðirnar, sem ákært var fyrir, áttu sér stað á tímabilinu 24. desember 2021 til og með 2. janúar 2022.

Á meðan hann var réttindalaus skráði hann aðra sem skipstjóra í lögskráningarkerfi sem Samgöngustofa rekur. Þeir sem hann skráði vissu ekki af því og þrír af fjórum voru ekki í áhöfninni í ferðunum sem skipstjórinn sigldi án réttinda. Þá skráði hann í einu tilfelli yfirstýrimann sem var við störf í skipinu sem skipstjóra.

Þegar málið komst upp var yfirskipstjórinn  áminntur í starfi og lækkaður í tign og gerður að almennum skipstjóra Herjólfs. Hann var síðan sendur í leyfi en í síðasta mánuði var samið um starfslok við hann.

Fyrir dómi játaði maðurinn sök sína greiðlega og sagðist iðrast gjörða sinna mjög en að endingu kostaði athæfið hann starfið hjá Herjólfi ohf. Héraðsdómur féllst á að skilorðsbinda 30 daga fangelsisdóminn í tvö ár með vísan til þess að hann hefði játað brot sitt og hann hefði ekki sætt refsingu áður.

Mikil ólga hefur verið vegna málsins en nokkrir starfsmenn Herjólfs ohf, sögðu upp störfum í kjölfar þess að málið kom upp og hvernig á því var tekið eins og bæjarmiðillinn Tígull greindi frá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Maður á sjötugsaldri setti upp ólöglega sírenu og blikkljós til að þykjast vera í forgangsakstri

Maður á sjötugsaldri setti upp ólöglega sírenu og blikkljós til að þykjast vera í forgangsakstri
Fréttir
Fyrir 2 dögum

Umdeildur breskur samfélagsrýnir skrifar um Íslandsreisu sína – „Ef ég hefði þurft að dvelja þarna í nokkrar vikur í viðbót hefði ég orðið gjaldþrota“

Umdeildur breskur samfélagsrýnir skrifar um Íslandsreisu sína – „Ef ég hefði þurft að dvelja þarna í nokkrar vikur í viðbót hefði ég orðið gjaldþrota“
Fréttir
Fyrir 3 dögum

Ósáttar við vinnubrögð MAST eftir tilkynningu um mögulegt dýraníð – Maður dregur dalmatíu-hvolp með valdi

Ósáttar við vinnubrögð MAST eftir tilkynningu um mögulegt dýraníð – Maður dregur dalmatíu-hvolp með valdi
Fréttir
Fyrir 3 dögum

Segja að aldrei hafi verið eins langt á milli Úkraínu og Rússlands hvað varðar friðarviðræður

Segja að aldrei hafi verið eins langt á milli Úkraínu og Rússlands hvað varðar friðarviðræður
Fréttir
Fyrir 3 dögum

Ari og Helga vara fólk við – Stórhættuleg gastegund og hættusvæði við nýja eldgosið

Ari og Helga vara fólk við – Stórhættuleg gastegund og hættusvæði við nýja eldgosið
Fréttir
Fyrir 3 dögum

Sakaður um að brjóta gegn tveimur konum um verslunarmannahelgina

Sakaður um að brjóta gegn tveimur konum um verslunarmannahelgina
Fréttir
Fyrir 4 dögum

Tveir ferðamenn slösuðust við eldstöðvarnar í nótt – Lögreglan gagnrýnir leiðsögumenn

Tveir ferðamenn slösuðust við eldstöðvarnar í nótt – Lögreglan gagnrýnir leiðsögumenn
Fréttir
Fyrir 4 dögum

Segir Rússa reiðubúna til samningaviðræðna um stríðið í Úkraínu

Segir Rússa reiðubúna til samningaviðræðna um stríðið í Úkraínu