fbpx
Mánudagur 26.júlí 2021
Fréttir

Borgarstjóri vill ekki stytta opnunartíma skemmtistaða

Kristján Kristjánsson
Miðvikudaginn 16. júní 2021 08:00

Dagur B Eggertsson

Ekki missa af Helstu tíðindum dagsins í pósthólfið þitt

Lesa nánar

Dagur B. Eggertsson, borgarstjóri, segir að ekki standi til að stytta opnunartíma skemmtistaða í miðborginni. Styttri opnunartími var tekinn upp vegna sóttvarnaaðgerða en hann er ekki kominn til að vera.

Fréttablaðið skýrir frá þessu í dag. „Hættan er sú að ef styttri opnunartími verður viðvarandi þegar samkomutakmörkunum sleppir færist skemmtanahaldið einfaldlega út á stræti og torg og í íbúðahverfi og heimahús af því barir og veitingastaðir loka allir í einu,“ er haft eftir Degi sem vísar með þessum orðum til stöðunnar eins og hún var fyrir tuttugu árum áður en opnunartíminn var gefinn frjálsari en þá var.

„Sagan kennir okkur að það þýðir ekki endilega aukið öryggi, færri afbrot eða meira næði að hafa opnunartímann styttri. Ég myndi hins vegar fagna því að fólk byrji fyrr og fari þá líka fyrr heim eins og hefur verið áberandi að undanförnu, það verði nýr partur af skemmtanamenningunni. Vonandi er sú þróun komin til að vera,“ sagði hann einnig.

Að undanförnu hefur Lögreglan á höfuðborgarsvæðinu kallað eftir því í fjölmiðlum að umræða verði hafin um styttingu opnunartíma skemmtistaða út frá reynslu síðustu mánaða.

Reykjavíkurborg hefur ekki borist formlegt erindi um þetta frá lögreglunni en Dagur sagðist ræða reglulega við lögreglustjóra um málefni miðborgarinnar. „Það hafa sannarlega orðið afgerandi og jákvæðar breytingar í afbrotatölfræðinni á meðan samkomutakmarkanir hafa verið í gildi. Þetta hefur verið tengt við styttri opnunartíma skemmtistaða og örugglega er eitthvað til í því. Það má þó ekki gleyma því að samkomutakmarkanir vegna faraldursins hafa ekki síður haft áhrif á aðrar skemmtanir og partý í heimahúsum. Það hefur líklega ekki síður skilað sér í fækkun afbrota í ákveðnum brotaflokkum,“ er haft eftir honum.

Hann sagði að borgin vilji öruggt skemmtanalíf en ekki standi til að festa opnunartímann, sem var tekinn upp vegna sóttvarnaaðgerða, í sessi til frambúðar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Nýjar „skeiðar“ í skyrdósum gerðu allt brjálað á Matartips – „Þetta er svo mikið helvítis rugl“

Nýjar „skeiðar“ í skyrdósum gerðu allt brjálað á Matartips – „Þetta er svo mikið helvítis rugl“
Fréttir
Fyrir 2 dögum

Allt stopp í Kömbunum eftir þriggja bíla árekstur

Allt stopp í Kömbunum eftir þriggja bíla árekstur
Fréttir
Fyrir 2 dögum

Taktu könnun: Hvað finnst þér um nýju takmarkanirnar?

Taktu könnun: Hvað finnst þér um nýju takmarkanirnar?
Fréttir
Fyrir 2 dögum

200 manna samkomutakmarkanir og skemmtistaðir loka fyrr

200 manna samkomutakmarkanir og skemmtistaðir loka fyrr
Fréttir
Fyrir 3 dögum

Viggó furðar sig á viðbrögðum íslenskra sóttvarnayfirvalda – „Við erum bólusett. Hættan vegna þessara smita er hverfandi“

Viggó furðar sig á viðbrögðum íslenskra sóttvarnayfirvalda – „Við erum bólusett. Hættan vegna þessara smita er hverfandi“
Fréttir
Fyrir 3 dögum

Íslendingar á nálum yfir ákvörðun ríkisstjórnarinnar – „Allir ráðherrar í hvítvínslegi í hitanum fyrir austan og harðneita því að stöðva sumarið“

Íslendingar á nálum yfir ákvörðun ríkisstjórnarinnar – „Allir ráðherrar í hvítvínslegi í hitanum fyrir austan og harðneita því að stöðva sumarið“