Á áttunda tímanum í gærkvöldi var tilkynnt um líkamsárás í Vogahverfi. Árásarþoli var með minniháttar áverka og gerendur voru farnir af vettvangi þegar lögreglan kom á vettvang. Í Bústaðahverfi var maður handtekinn á níunda tímanum í gærkvöldi en hann er grunaður um eignaspjöll. Hann er sagður hafa brotið upp útidyr á húsi einu.

Í Kópavogi var maður handtekinn á níunda tímanum í gærkvöldi grunaður um rúðubrot. Hann var í annarlegu ástandi og var vistaður í fangageymslu.

Tilkynnt var um þrjú umferðaróhöpp síðdegis í gær og snemma kvölds. Enginn meiddist í þeim en ökutæki skemmdust eitthvað.

Lögreglan hafði afskipti af tveimur aðilum í gærkvöldi sem eru grunaðir um þjófnað úr verslunum.

Tilkynnt var um innbrot í miðborginni og í Garðabæ. Þrír ökumenn voru handteknir í gærkvöldi og nótt grunaðir um að vera undir áhrifum áfengis og eða fíkniefna.