Íslendingar spiluðu um alla Evrópu í dag og gerðu þeir flestir vel í dag. Einn Íslendingaslagur var á dagskránni. Þar mættust Brøndby og Midtjylland á heimavelli Midtjylland í Herning. Hjörtur Hermannsson spilaði allan leikinn fyrir Brøndby en Mikael Anderson sat á varamannabekk Midtjylland. Hann fékk ekki að koma til sögu en Midtjylland vann 1-0 sigur og hoppuðu þannig upp fyrir Brøndby á topp deildarinnar.
Aron Elís Þrándarson spilaði seinustu 20 mínúturnar í 2-1 sigri OB á Randers og Jón Dagur Þorsteinsson spilaði 68 mínútur fyrir AGF gegn FCK. Jón Dagur fór útaf þegar AGF leiddi leikinn 3-2 en FCK jafnaði metin úr vítaspyrnu á elleftu mínútu uppbótartíma í mikilli dramatík.
Albert Guðmundsson spilaði allan leikinn á miðjunni hjá AZ Alkmaar í dag í 4-2 sigri gegn Feyenoord. Hann skoraði ekki en átti samt sem áður príðisleik. AZ situr í þriðja sæti hollensku deildarinnar, átta stigum frá toppliði Ajax.
