Joshua Ikechukwu Mogbolu er nú í gæsluvarðhaldi í fangelsinu á Hólmsheiði grunaður að nauðgun. Sú nauðgun á að hafa farið fram á á höfuðborgarsvæðinu fyrir nokkrum vikum. Vísir greindi fyrst frá þessu, en þar kemur fram að gæsluvarðhaldið muni renna út þann 20. júlí.
Joshua, sem er fæddur árið 2000 og býr í Hafnarfirði, var í síðustu viku dæmdur í Héraðsdómi Reykjaness fyrir að nauðga tveimur konum . Annað atvikið átti sér stað á höfuðborgarsvæðinu, en hitt á Akureyri.
Í atvikinu sem átti sér stað á höfuðborgarsvæðinu fór Joshua heim með konu af djamminu. Í kjallaraíbúð nauðgaði hann henni, en hætti skyndilega. Þá flúði hún og kallaði á hjálp. Hann elti hana og náði henni og fór aftur með hana í kjallaraíbúðina og nauðgaði aftur. Konan lýsti því að hún hafði óttast um líf sitt.
Seinna atvikið átti sér stað á Akureyri, en þar hitti hann konu á Tinder-deiti og fóru saman í lítið samkvæmi. Þar hafi hann dregið hana inn á baðherbergi og nauðgað henni. Konan gerði grein fyrir því að hún hafi ekki verið samþykk samförunum, en í báðum atvikunum neitaði Joshua sök.
Fyrir þessar nauðganir fékk hann fjögurra og hálfs árs fangelsisdóm. Auk þess þarf hann að greiða annarri konunni 2 milljónir króna og hinni konunni 1,3 milljónir. Þá mun hann þurfa að greiða 5,2 milljónir í málskostnað.
