Almannavarnir hafa boðað til upplýsingafundar að Katrínartúni 2 vegna möguleika á yfirvofandi eldgosi á Reykjanesi. Að sögn Hjördísar Guðmundsdóttur, samskiptastjóra Almannavarna, verður reynt að takmarka fjölda viðstaddra á fundinum vegna Covid-19.
Hjördís segist ekki hafa frekari upplýsingar en Veðurstofan hefur greint frá varðandi stöðuna á Reykjanesi. Verið sé að safna gögnum.
Fundurinn verður í beinni útsendingu á Vísir.is.
Varðskipið Þór er til taks fyrir utan ströndum Reykjaness.
Rétt eftir símtalið við Hjördísi sendu Almannvarnir frá sér eftirfarandi tilkynningu:
„Almannavarnadeild ríkislögreglustjóra og Veðurstofa Íslands boða til blaðamannafundar í Katrínartúni 2 kl. 16.00 í dag vegna mögulegs goss á Reykjanesi. Víðir Reynisson og Kristín Jónsdóttir munu tala á fundinum.
Fyrirkomulagið verður eins og á upplýsingafundum vegna Covid-19. Fjölmiðlar eru boðnir velkomnir í hús en fjölmiðlar eru vinsamlegast beðnir um að halda fjölda frá hverjum fjölmiðli í lágmarki. Grímuskylda verður á staðnum og starfsfólk almannavarna mun aðgansstýra svo að öllum sóttvörnum verði fylgt.
Fundurinn verður túlkaður á pólsku auk táknmálstúlkunar.“
