Ekki tókst að flytja Kehdr-fjölskylduna úr landi í morgun samkvæmt úrskurði Útlendingastofnunar en flytja átti fjölskylduna til Amsterdam. Endanlegur áfangastaður er Egyptaland. Fjölskyldan virðist fara huldu höfði.
Í gærkvöld virtust fjölskyldumeðlimir hafa slökkt á farsímum sínum og náði lögmaður þeirra, Magnús Davíð Norðdal, ekki í fólkið.
„Ekki var unnt að framkvæma frávísun egypskrar fjölskyldu frá landinu sem fara átti fram í morgun. Fólkið var ekki á fyrirfram ákveðnum stað þar stoðdeild hugðist fylgja þeim úr landi. Ekki er vitað um dvalarstað fólksins. Málið er áfram á borði stoðdeildar ríkislögreglustjóra. Ekki er verða veittar frekari upplýsingar um málið að svo stöddu,“ segir í tilkynningu frá stoðdeild ríkislögreglustjóra um málið.
