Þar sem í dag er dagur íslenskrar tungu fengu þríeykið hjá almannavörnum þá spurningu á blaðamannafundi í dag hvert þeirra uppáhalds íslenska orð væri um þessar mundir. Þríeykið var reyndar með óhefðbundnu sniði þar sem Rögnvaldur Ólafsson, aðstoðaryfirlögregluþjónn leysti Víði Reynisson af í dag.
„Nú er ég gripinn farsóttarþreytu og þetta er kannski kóviteigandi spurning en þar sem það er dagur íslenskrar tungu langaði mig að spyrja hvert væri ykkar uppáhalds íslenska orð?“ spurði blaðamaður DV.
„Það verður örugglega kosið um orð ársins og ætli það verði ekki eitthvað úr kófinu. Mér finnst til dæmis smitrakning mjög ofarlega hjá mér það sé ekki smitrakning hjá mér. Líka því það er svo mikilvægt,“ sagði Alma Möller, landlæknir.
„Ætli það sé ekki fordæmalaus sem kemur fyrst í hugann hjá mér,“ sagði Þórólfur Guðnason, sóttvarnarlæknir.
„Ætli ég myndi ekki segja Covid-þreyta því maður finnur svo fyrir henni sjálfur,“ svaraði Rögnvaldur,
