Fréttablaðið skýrir frá þessu í dag. Haft er eftir Dóru S. Gunnarsdóttur, sviðsstjóra neytendaverndar og fiskeldis hjá Matvælastofnun (MAST) að hjá Arnarlaxi hafi verið um monocytogene listeríu að ræða en hún getur valdið sýkingum. Fyrirtækið, eins og önnur fyrirtæki í svipuðum rekstri, annist sjálft sýnatöku og tilkynni til MAST í hvert sinn sem listería finnst í framleiðsluumhverfinu eða hráefni.
„Við höfum verið að fá töluvert af tilkynningum í sumar. Þegar það gerist erum við í samskiptum við fyrirtækið og þeir upplýsa okkur um til hvaða aðgerða þeir grípa. Þeir hafa gripið til mjög umfangsmikilla aðgerða hvað varðar þrif og endurbætur. Síðasta tilkynningin sem kom var vegna sýnis frá 26. ágúst,“
er haft eftir Dóru sem sagði að svo virðist sem tekist hafi að leysa vandann, að minnsta kosti í bili. Bæði hún og Björn bentu á að þessa tegund listeríu sé að finna í náttúrunni.
„Þess vegna getur hún og mun koma inn á alla framleiðslustaði sem taka inn hrávöru utan frá. Þegar listería finnst er erfitt að segja til um hvernig hún barst inn í vinnsluhúsið,“
er haft eftir Birni.
Dóra sagði aðspurð að þessi tegund listeriu gæti verið hættuleg viðkvæmum neytendum en hún fjölgi sér aðallega í reyktum og gröfnum laxi á geymslutímanum en ekki í ferskum laxi.
