fbpx
Fimmtudagur 09.júlí 2020
Fréttir

Telja að á brunavörnum hafi verið ábótavant í Bræðraborgarstíg

Jón Þór Stefánsson
Þriðjudaginn 30. júní 2020 18:45

Efling hafði lengi gagnrýnt aðbúnað fólks sem bjó að Bræðraborgarstíg 1. Mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Húsnæðis- og mannvirkjastofnun (HMS) fundaði í dag með slökkviliðsstjóranum á höfuðborgarsvæðinu Jóni Viðari Matthíassyni og Nikulási Úlfari Mássyni, byggingarfulltrúa í Reykjavík. Á fundinum var farið yfir stöðu brunaeftirlits og brunavarna í kjölfar brunans á Bræðraborgarstíg 1 í síðustu viku þar sem þrír íbúar létust og tveir slösuðust alvarlega.

Í fréttatilkynningu frá HMS kemur fram að grunur leiki á að brunavörnum í húsinu hafi verið ábótavant. Í húsinu bjó fjöldi erlends verkafólks, en í húsnæðinu voru alls 73 skráðir með lögheimili.

Á fundinum var samhljómur um mikilvægi brunavarna og að fullt tilefni væri til að vinna saman að frekari úrbótum á regluverki og verklagi. Einnig voru ræddar auknar heimildir til slökkviliða og byggingafulltrúa við eftirlit og aukið samstarf við tryggingafélög. Þá kom fram að nýta mætti árangur í öðrum málaflokkum líkt og umferðaröryggi þar sem gengið hefur vel að draga úr alvarlegum slysum með samstilltu átaki.

Fram kemur að rannsókn HMS á brunanum á Bræðraborgarstíg  í fullum gangiMarkmið rannsóknarinnar er að leiða í ljós hvaða lærdóm megi draga og hvort nauðsynlegt sé að breyta regluverki en niðurstöður rannsóknarinnar gætu legið fyrir síðar á árinu.

HMS hefur einnig til skoðunar hvort hindra megi að svo margir hafi skráð lögheimili á einum stað, til dæmis með bættri skráningu leiguhúsnæðis.

Í tilkynningunni segir: „Með tilkomu leiguskrár HMS, sem ákvæði er um í frumvarpi að breytingu á húsaleigulögum sem lagt hefur verið fram á Alþingi, verður til ný leið til að safna upplýsingum og koma auga á frávik. Eins og staðan er í dag eru stjórnvöld eingöngu með yfirsýn yfir þann hluta leigumarkaðarins sem er á höndum sveitarfélaga eða þegar til staðar eru þinglýstir leigusamningar, sem er því miður yfirleitt ekki raunin í tilfelli herbergjaleigu til erlends verkafólks.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Fréttir
Fyrir 18 klukkutímum

Mark Anthony ákærður fyrir ítrekað heimilisofbeldi – Klórför, marblettir og glerbrot

Mark Anthony ákærður fyrir ítrekað heimilisofbeldi – Klórför, marblettir og glerbrot
Fréttir
Fyrir 19 klukkutímum

Flugfreyjur fella nýjan kjarasamning – Segjast hafa boðið ein bestu kjör sem þekkjast á alþjóðamarkaði

Flugfreyjur fella nýjan kjarasamning – Segjast hafa boðið ein bestu kjör sem þekkjast á alþjóðamarkaði
Fréttir
Fyrir 21 klukkutímum

Sexmenningarnir í Hvalfjarðargangamálinu: Samtals 22 ára fangelsi – Jara í Goldfinger fékk 3 ár

Sexmenningarnir í Hvalfjarðargangamálinu: Samtals 22 ára fangelsi – Jara í Goldfinger fékk 3 ár