Eftir stutt útgáfuhlé kemur nýtt tölublað prentútgáfu DV út á morgun, skírdag. Er þetta fyrsta tölublað DV eftir kaup Torgs ehf. á fjölmiðlum Frjálsrar fjölmiðlunar, en Samkeppniseftirlitið samþykkti kaupin rétt fyrir síðustu mánaðamót.
Breytt útlit og að nokkru leyti ný efnistök einkenna blaðið sem tekur mið af ritstjórnarstefnu Torgs. Má lofa því að margt forvitnilegt efni verður í blaðinu sem gott er að njóta yfir páskana.
Blaðinu verður dreift til áskrifenda og á sölustaði á morgun, skírdag.
Nýr ritstjóri DV er Þorbjörg Marinósdóttir.
Umsjónarmaður auglýsinga er Ruth Bergsdóttir.
