Guðmundur Brynjólfsson, rithöfundur og djákni, birti í dag myndskeið sem vakið hefur mikla athygli og umfram allt kátínu. Í myndskeiðinu skopstælir Guðmundur ræðu Bergþórs Ólasonar, þingmanns Miðflokksins, á Evrópuþinginu í gær. Þar var meðal annars rætt um Klaustursmálið, en Bergþór var einn af sexmenningunum á upptöku Báru Halldórsdóttur á samræðum þingmanna á Klaustur Bar í nóvember í fyrra.
Bergþór greip til varna í ræðunni og fullyrti að upptökurnar hefðu verið fyrir fram skipulagðar. Þórhildur Sunna Ævarsdóttir, þingmaður Pírata, flutti einnig ræðu, þar sem hún andmælti málflutningi Bergþórs. Eins og oft vill vera með íslenska þingmenn á alþjóðavettvangi þótti enskukunnáttu Bergþórs vera nokkuð ábótavant, sérstaklega framburði.
Skopstæling Guðmundar er hér að neðan:
