fbpx
Þriðjudagur 23.júlí 2019  |

DV - Frjáls og óháður miðill

Fréttir

Nýnasistar sækja í sig veðrið á Íslandi – Boða aðgerðir: „Hálfgert áróðursstríð í Reykjavík“

Kristján Kristjánsson
Miðvikudaginn 20. mars 2019 09:45

Ekki missa af Helstu tíðindum dagsins í pósthólfið þitt

Lesa nánar

Samtök öfgahægrimanna (nýnasista), þjóðernissinna að eigin mati, sem kalla sig Norrænu mótstöðu hreyfinguna virðast vera að sækja í sig veðrið hér á landi. Nýverið var svokölluð flokksáætlun sænsku móðursamtakanna þýdd á íslensku og birt á vefsíðu Norrænu mótstöðuhreyfingarinnar, nordurvigi.is. Skýrt var frá þessu á vefsíðum systurfélaganna á hinum Norðurlöndunum.

Nú er búið að þýða flokksáætlunina yfir á norsku, dönsku, íslensku, finnsku, ensku og rússnesku. Þetta vekur mikla ánægju hjá leiðtoga hreyfingarinnar, Simon Lindberg.

„Það er frábært að nú séum við opinberlega með starfsemi í fimm löndum sem berjast öll fyrir sama markmiði, sem er lýst í eina og sama ritinu sem hefur bara verið þýtt. Ég held raunar að þetta sé einstakt í heiminum.“

Er haft eftir honum á vefsíðu samtakanna, motstandsbevegelsen.org.

Lindberg hefur hlotið að minnsta kosti einn refsidóm í heimalandi sínu, Svíþjóð, fyrir að hafa veist að þjóðfélagshópi, gyðingum, með því að vísa til nasisma og heilsa að þeirra sið á útifundi.

Simon Lindberg, leiðtogi Norrænu mótstöðuhreyfingarinnar.

Á vefsíðu Íslandsdeildarinnar er birt þýðing á hugleiðingum Lindberg um hryðjuverkið í Christchurch á Nýja-Sjálandi í síðustu viku. Þar skaut hvítur, ástralskur þjóðernissinni, 50 manns til bana í tveimur moskum.

„Það er erfitt að finna ekki til einhverjar samkenndar með þeim tveimur helstu ástæðum sem Tarrant lýsir í stefnuyfirlýsingu sinni. Í fyrsta lagi að hvíti kynþátturinn stefnir í átt að lífræðilegri útrýmingu í gegnum lágri fæðingartíðni í samblandi við stór innflutning á öðru fólki en hvítu til allra landa hvíts fólks. Samkvæmt tölfræði eignast litaðir töluvert fleiri börn en hvítt fólk.

Í öðru lagi lýsir Tarrant því yfir að hans gjörðir eru hefnd fyrir hryðjuverkaárásir sem framdar voru af kynþáttalega frábrugðum múslimum gegn saklausu hvítu fólki, og einnig fyrir öll þau morð, árásir, nauðganir og rán af höndum litaðra gegn hvítu fólki um heim allan.”

Segir meðal annars í þýðingu Íslandsdeildarinnar á hugleiðingum Lindberg. Má einna helast skilja þær þannig að hann fordæmi ekki hryðjuverk sem þessi en frábiðji sér þau á Norðurlöndunum þar sem þau gætu skaðað málstað Norrænu mótstöðuhreyfingarinnar og orðið til þess að starfsemi hennar verði bönnuð.

Ekki liggur fyrir hver er skráður fyrir vefsíðunni nordurvigi.is nema hvað á vefsíðu ISNIC kemur fram að það sé Icenetworks Ltd í Belís.

Vor vegur – Flokksáætlun

Flokksáætlun sænsku móðursamtakanna hefur hlotið heitið Vor vegur í íslenskri þýðingu. Þar er saga þjóðernishyggju rakin og skýrar tilvísanir eru í nasismann á tímum Þýskalands Hitlers. Dæmi um það er að finna í formálanum þar sem valdatíð Hitlers er lofsömuð.

„Frá okkar sjónarhorni hefur þjóðernisfélagshyggjan, sem sannaði sig á þeim stutta tíma er hún var við völd í Þýskalandi, verið eina mynd af ríkisstjórn sem verulega ógnaði hinum eyðileggjandi öflum sem stjórna heiminum. Frá 1945 til dagsins í dag hafa þessi sömu eyðileggjandi öfl stöðugt framkvæmt pólitískt þjóðarmorð gegn norrænu fólki og innfæddum þjóðarbrotum í Evrópu. Þessi öfl sjá þjóðernisfélagshyggju sem aðal óvin þeirrar heimsýnar, vegna þess að hún leiðir fram áætlun þar sem kynþáttur okkar lifir af og hefur tekist að útvega nútíma pólitíska mynd sem að endurspeglar hin eilífu lögmál náttúrunnar.“

Segir þar en síðan er sagt að stefnan sé ólík hinni þýsku og byggist meira á hugmyndum Danans Povl Riis-Knudsen, sem er vel þekktur nýnasisti, á eftirstríðsárunum.

„Hann leit á þjóðernisfélagshyggju frá líffræðilegu sjónarhorni, sjáandi hana sem heildarlausn á þeim vanda er við sjáum í heiminum í dag.“

Segir í formálanum og áfram er haldið:

„Á okkar tíma er það ekki ríkisstjórnum né félagskerfum sem er ógnað. Í staðin er það kynþátti okkar og öllu mannkyni sem að er ógnað af mannfyrirlítandi og sníkjudýrslegum öflum sem að stjórna og framkvæma miskunnarlaus arðrán á náttúrunni og hennar íbúum – mönnum jafnt sem dýrum. Þessar árásir sem í formi stórinnflutningi fólks og fjölmenningu, sem og umhverfisvandamálum sem að einblína á vistkerfi og líffræðilega fjölbreytni, eru þar af leiðandi sameiningartákn innan stefnu Norrænu mótstöðuhreyfingarinnar.“

Forsíða flokksáætlunar íslenskra nýnasista.

Því næst er stefna samtakanna sett fram í hinum ýmsu málaflokkum. Þar á meðal:

„Stöðva stórinnflutning á fólki til landsins undir eins og stuðla að brottför meirihluta fólks sem er ekki af norður-evrópskum uppruna eins fljótt og mögulegt er. Fólk ætti að vera sent til heimalanda sinna eða annara staða þeim nálægt. Þetta skal gert eins mannúðlega og hægt er.”

„Með öllum ráðum vinna að því að taka völdin af alþjóðlegum síónistum sem með valdi eða fjármunum stjórna stórum hluta heimsins.”

„Skapa sjálfbært norrænt samfélag með sameiginlegum her, sameiginlegum gjaldmiðli og miðstýrðum banka, einnig sameiginlegum landslögum. Þáttöku í Evrópusambandinu og öðrum óvinveittum samtökum verður þegar í stað hætt.“

„Norrænir fjölmiðlar skulu vera í eigu ríkisborgara hinnar nýju norrænu þjóðar. Innlendir sem og erlendir fjölmiðlar sem vinna gegn norrænu fólki verða bannaðir. Tekið verði á of miklu eignarhaldi ákveðinna einstaklinga á fjölmiðlum.“

Síðan eru þessir liðir og fleiri útlistaðir í löngu máli. Þar á meðal hvernig á að hrinda þeim í framkvæmd.

Starfsemin á síðasta ári

Á heimasíðu íslensku deildarinnar var nýlega birt yfirlit yfir starfsemina á síðasta ári. Þar kemur meðal annars fram að tveir meðlimir Íslandsdeildarinnar hafi tekið þátt í 1. maí göngu samtakanna í Ludvika í Svíþjóð. Þar hafi þeir hitta skoðanabræður frá hinum löndunum. Fram kemur að félögum í Íslandsdeildinni hafi fjölgað á síðasta ári og hafi deildin verið virk á samfélagsmiðlum.

Þá segir að áróðri hafi verið dreift:

„Héldum við okkar skriði allt árið með reglulegum áróðurdreifingum með ýmsu móti og var hálfgert áróðursstríð í Reykjavík þar sem hópur af vinstrilingum límdu yfir okkar miða og birtu myndband af því en þeir fengu ekki að hanga lengi. Dreifðum við plakötum í Stigahlíð undir baráttuherferðinni: ,,Hýsum Íslendinga ekki hælisleitendur.” og fengum við gusur af lygaeitri frá vinstrisinnuðum fjölmiðla nöðrum sem brugðust við sem taugaveiklaðar hænur. Fylgdu þeir einnig sinni lygaþvælu áfram með því að birta falsfréttir af okkur og ásakanir.“

Síðan er því heitið að meiri áróðri verði dreift á þessu ári og að Íslandsdeildin ætli að verða sýnilegri og fjölga meðlimum.

„Við erum einnig að leggja drög af því að vera með stærstu þjóðernisfélagshygginni starfsemi sem hefur ekki sést síðan fyrir síðari heimstyrjöld.“

Segir en ekki er útskýrt nánar hvað felst í því.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Á örstundu var bálkösturinn tendraður og nornabrennan skyldi hefjast

Á örstundu var bálkösturinn tendraður og nornabrennan skyldi hefjast
Fréttir
Fyrir 2 dögum

Menn ruddust inn í íbúð og veittust að húsráðanda

Menn ruddust inn í íbúð og veittust að húsráðanda
Fréttir
Fyrir 2 dögum

Slasaður maður á Fimmvörðuhálsi

Slasaður maður á Fimmvörðuhálsi
Fréttir
Fyrir 3 dögum

Spurning vikunnar: Hver er helsta ógn mannkynsins í dag?

Spurning vikunnar: Hver er helsta ógn mannkynsins í dag?
Fréttir
Fyrir 3 dögum

Ari segist virða gagnrýnina sem hann fær á sig

Ari segist virða gagnrýnina sem hann fær á sig
Fréttir
Fyrir 3 dögum

Nærmynd af ríkislögreglustjóra – Haraldur víkur ekki í skugga harðrar gagnrýni

Nærmynd af ríkislögreglustjóra – Haraldur víkur ekki í skugga harðrar gagnrýni