fbpx
Föstudagur 07.ágúst 2020
Fréttir

Endurreisn WOW virðist í miklum ólestri – WOW 2.0 hefur ekki greitt kaupverðið og Play borgar ekki laun

Ágúst Borgþór Sverrisson
Miðvikudaginn 11. desember 2019 14:30

Ekki missa af Helstu tíðindum dagsins í pósthólfið þitt

Lesa nánar

US Aerospace, fyrirtækið sem boðað hefur endurreisn WOW air síðan í haustbyrjun, hefur enn ekki greitt að fullu kaupverðið fyrir helstu eignir úr þrotabúi WOW air. Þetta kemur fram í Fréttablaðinu í dag og er hluti af frétt þar sem skiptastjórar eru sakaðir um að hafa tvíselt eignir úr búinu. Er þar um að ræða sölu á ýmsu kynningarefni. Ekki fást upplýsingar í fréttinni um hve mikið US Aerospace á ógreitt af kaupverði þrotabúsins. Gunnar Steinn Pálsson, almannatengill WOW 2.0, vill ekki tjá sig um einstök atriði í undirbúningsferli flugfélagsins. Skiptastjórar WOW hafa heldur ekki viljað tjá sig um stöðuna á málinu.

Hitt endurreista „WOW-flugfélagið“, Play, greiddi starfsfólki ekki laun um síðustu mánaðamót. Fregnir herma að laun hafi enn ekki borist í gær. Þá hefur ekki fengist staðfest að launatengd gjöld hafi verið greidd hjá félaginu síðustu mánuði, eða frá stofnun þess. DV tókst ekki að ná í Maríu Margréti Jóhannsdóttur, upplýsingafulltrúa Play, við vinnslu þessarar fréttar, og raunar tókst það ekki heldur þegar DV greindi frá launabrestinum skömmu eftir síðustu mánaðamót – þrátt fyrir ítrekaðar tilraunir, símhringingar og tölvupóst.

Mjög illa gengur hjá Play að ljúka fjármögnun en félagið þarf 1,7 milljarða í hlutafé til viðbótar því sem það hefur aflað til að verða starfhæft. Hafa eigendur Play boðist til að lækka eignarhlut sinn niður í 30% en það hefur enn ekki dugað til að sannfæra fjárfesta.

Þessi tíðindi bætast við þá staðreynd að hvorki WOW 2.0 né Play hafa selt eina einustu flugferð frá því félögin boðuðu starfsemi sína né gengið frá flugrekstrarleyfum eða unnið flugáætlanir, hvorki á Keflavíkurflugvöllum né á öðrum áfangastöðum. WOW 2.0 boðaði til dæmis að félagið myndi fyrst um sinn fljúga milli Dulles flugvallar í Washington og Keflavíkur en félagið hefur enn ekki samið við Dulles flugvöll um náætlun né neina flugvallarþjónustu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 10 klukkutímum

Lofaði að endurgreiða helminginn en fór á hausinn

Lofaði að endurgreiða helminginn en fór á hausinn
Fréttir
Fyrir 11 klukkutímum

Umferðarslys í Grafarvogi – Tillitslaus hávaðaseggur

Umferðarslys í Grafarvogi – Tillitslaus hávaðaseggur
Fréttir
Í gær

Átak í gangi til að endurheimta stolið mótorhjól þýsks ferðamanns

Átak í gangi til að endurheimta stolið mótorhjól þýsks ferðamanns
Fréttir
Í gær

Menn í sjónum við Álftanes

Menn í sjónum við Álftanes
Fréttir
Í gær

Ungt fólk áberandi meðal COVID-smitaðra – „Er í alvörunni nauðsynlegt að djamma??“

Ungt fólk áberandi meðal COVID-smitaðra – „Er í alvörunni nauðsynlegt að djamma??“
Fréttir
Fyrir 2 dögum

„Við virðumst ekki vera með útbreitt smit í samfélaginu“

„Við virðumst ekki vera með útbreitt smit í samfélaginu“
Fréttir
Fyrir 2 dögum

Margrét gagnrýnir Semu harðlega: „Hún ákvað að endurvekja 2 ára gamalt mál og rifja upp eitthvað fyllerísrugl“

Margrét gagnrýnir Semu harðlega: „Hún ákvað að endurvekja 2 ára gamalt mál og rifja upp eitthvað fyllerísrugl“
Fréttir
Fyrir 2 dögum

Óvissa um hvernig skólastarfi verður háttað vegna COVID-19

Óvissa um hvernig skólastarfi verður háttað vegna COVID-19