Aðalmeðferð í máli gegn lögreglumanninum Skúla Björnssyni átti að fara fram í gær fyrir Héraðsdómi Reykjaness en var frestað til 27. nóvember. Skúli er ákærður fyrir brot í opinberu starfi en ákæran var gefin út þann 29. ágúst.

Skúla er gefið að sök að hafa misnotað aðstöðu sína sem lögreglumaður hjá embætti lögreglustjórans á Suðurnesjum syni sínum til ávinnings með því að reyna að koma í veg fyrir að mál er varðar umferðarlagabrot sonar hans hlyti hefðbundinn framgang „með þeim afleiðingum að hallaði á réttindi hins opinbera,“ eins og það er orðið í ákærunni.

Í annan stað er Skúli ákærður fyrir að hafa flett máli sonar síns 14 sinnum upp í LÖKE, upplýsingakerfi lögreglunnar, án þess að uppflettingarnar tengdust starfi hans sem lögreglumanns, „með þeim afleiðingum að hallaði á réttindi hins opinbera.“

Sem fyrr segir verður aðalmeðferð málsins fyrir Héraðsdómi Reykjaness þann 27. nóvember.

Meint brot Skúla varð allt að tveggja ára fangelsi.