Tveir menn á fertugsaldri, Pálmi Snær Magnússon og Jónas Valur Jónasson, voru nýelga sakfelldir fyrir smygl á tæpu kílói af kókaíni og annar þeirra fyrir stórfelldan þjófnað á byggingarefnum, þar á meðal miklu af parketi og flísum. Annar maðurinn, Pálmi Snær Magnússon, er útskrifaður úr lyfjagerðarskóla Actavis, og báðir hafa verið í góðum störfum.
Um stærsta fíkniefnabrotið segir í dómi Héraðsdóms Reykjaness:
„fyrir stórfellt fíkniefnalagabrot, með því að hafa staðið saman að innflutningi á samtals 994,42 g af kókaíni, sem hafði að meðaltali 74% styrkleika, sem samsvarar 83% af kókaínklóríði ætluðu til sölu og dreifingar í ágóðaskyni en fíkniefnin voru falin í fjórum niðursuðudósum sem komu til landsins með hraðsendingu frá Belgíu föstudaginn 2. febrúar 2018. Ákærði Pálmi Snær tók að sér, beiðni meðákærða Jónasar[Vals], að taka við sendingunni á þáverandi heimili sínu að Flúðaseli 85 íBreiðholti, og afhenda Jónasi[Val]en þar sem hann var á leiðinni með sendinguna heim til hans þá var hann handtekinn.“
Þá eru Jónas Valur sakfelldur fyrir þjófnað á byggingarvörum, mestmegnis af lager Egils Árnasonar ehf. í Skeifunni 7, þar á meðal parketi, karmi og hurð, fyrir verðmæti samtals vel á aðra milljón króna.
Félagarnir eru dæmdir fyrir fleiri minniháttar fíkniefnabrot og umferðarlagabrot.
Pálmi Snær var dæmdur í 15 mánaða fanglesi og Jónas Valur í 22 mánaða fangelsi. Báðir voru dæmdir til greiðslu sakarkostnaðar og til að sæta uppgtöku á fíkniefnum.
