Kanslari Þýskalands, Angela Merkel, er væntanleg til landsins í ágúst, segir í Morgunblaðinu í dag. Segir Morgunblaðið heimildir þeirra áreiðanlegar.
Merkel mun koma til landsins til að vera viðstödd fund forsætisráðherra Norðurlandanna, daganna 19-21. ágúst. Á fundinum verður rætt um málefni norðurslóða sem er málaflokkur sem Merkel hefur haft áhuga á undanfarin misseri.
Þetta verður fyrsta heimsókn kanslarans til landsins, en hún hefur gegnt embættinu í 14 ár.
Angela Merkel, kanslari Þýskalands, er væntanleg til Íslands í ágúst næstkomandi.
