fbpx
Laugardagur 23.október 2021
Fréttir

Þórir Björnsson er látinn: „Baráttumaður sem hafði hugrekki til þess að vera sá sem hann var“

Ritstjórn DV
Þriðjudaginn 7. maí 2019 10:48

Ekki missa af Helstu tíðindum dagsins í pósthólfið þitt

Lesa nánar

Þórir Björnsson, einn af stofnendum Samtakanna ’78 og elsti félagsmaður þeirra, er látinn. Hann lést þann 27. síðastliðinn og verður hann jarðsunginn nú fyrir hádegi í Dómkirkjunni í Reykjavík. Samtökin ´78 minnast hans á Facebook og segja að hann hafi verið einstakur maður. „Þórir var ákaflega heillandi, hlýr og vandaður maður. Hann tók virkan þátt í félagsstarfi Samtakanna ’78 alla tíð og var ávallt áberandi í gleðigöngu Hinsegin daga. Þórir var vinmargur og hafði unun af því að ferðast. Hann var heiðursfélagi MSC samtakanna í bæði Skotlandi og Englandi,“ segir í færslunni.

Samtökin þakka honum innilega fyrir baráttu hans. „Þórir var einstaklega örlátur á frásagnir frá fyrri tíð og þökk sé honum þekkjum við sögu okkar mun betur en ella. „Við eigum ekki að setja fólk í kassa. Það skiptir ekki máli af hvaða kyni þú heillast, við erum öll manneskjur“, sagði Þórir í viðtali við GayIceland sem tekið var í tilefni af níræðisafmæli hans árið 2016. Þórir heimsótti Samtökin ’78 síðast þegar blásið var til 40 ára afmælisveislu Samtakanna í Iðnó síðastliðið sumar. Þar, eins og svo oft áður, var Þórir hrókur alls fagnaðar og tók fullan þátt í hátíðarhöldunum,“ segir í yfirlýsingu samtakanna.

Þórir sofnaði aldrei á verðinum og segja samtökin hann hafa verið öflugan baráttumann. „Samtökin ’78 senda aðstandendum og vinum Þóris innilegar samúðarkveðjur. Með sorg í hjarta munum við öflugan baráttumann sem hafði hugrekki til þess að vera sá sem hann var, á tímum þar sem slíkt var óhugsandi fyrir marga. Fyrir það og fyrir baráttu hans í áranna rás verðum við ævinlega þakklát. Við munum heiðra minningu Þóris með því að sofna aldrei á verðinum og halda áfram baráttunni fyrir fullum réttindum og sýnileika hinsegin fólks á Íslandi.“

https://www.facebook.com/samtokin78/posts/2349791225078512

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Mikill hagnaður Icelandair á þriðja ársfjórðungi

Mikill hagnaður Icelandair á þriðja ársfjórðungi
Fréttir
Fyrir 2 dögum

Kona í stappi við tryggingafélag eftir að hún varð fyrir bíl sem ók yfir á rauðu ljósi

Kona í stappi við tryggingafélag eftir að hún varð fyrir bíl sem ók yfir á rauðu ljósi
Fréttir
Fyrir 2 dögum

Héraðsdómaranum Inga boðið að borga 250 þúsund króna sekt fyrir að brjóta kosningalög

Héraðsdómaranum Inga boðið að borga 250 þúsund króna sekt fyrir að brjóta kosningalög
Fréttir
Fyrir 2 dögum

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“