Árið 2018 jókst sala á gulli gífurlega, en hún hafði ekki verið eins mikil í næstum því hálfa öld. Það virðist ætla að halda áfram árið 2019. Hér að neðan er hægt að sjá hvaða 10 þjóðir eiga mest af gulli í heiminum samkvæmt Alþjóðagjaldeyrissjóðnum en Business Insider tók saman.
Gull er meðal mikilvægustu eigna þjóða enda og oftar en ekki stór hluti af gjaldeyrisforða þeirra.
Það hægist á alþjóða-efnahagi og þar af leiðandi hafa margir reynt að fjárfesta í gulli. Indland hefur til að mynda aukið gulleign sína stöðugt frá því í Ágúst. En Indland á 608.7 tonn af gulli
Holland hefur líka aukið gulleigur sínar, en árið 2014 sagði hollenski seðlabankinn að aukin gulleign hefði góð áhrif á sjálfstraust almennings. Holland á 612,5 tonn af gulli
Japan á líka ansi mikið gull eða u.þ.b. 765,2 tonn.
Mikið er um gull í Sviss, en þeir eiga 1.040 tonn af gulli þrátt fyrir að íbúar landsins séu einungis 8,4milljónir. Það gerir sviss að gullríkasta landi heims miðað við höfðatölu
Kína hefur einnig aukið gulleigur sínar undanfarna mánuði en þeir eiga 1874,3 tonn af gula málminum.
Rússar hafa fjórfaldað gulleigu sína á seinasta áratugnum en hún er komin í 2150,5 tonn.
Á seinasta ári gaf fréttaskrifstofan Reuters út að Frakkar væru farnir að auka magnið og gæðin á gullinu sínu, það hefur heldur betu skilað sér en þeir eru komnir í fjórða sæt listans með 2.436 tonn af gulli.
Þrátt fyrir að framtíð gulls sé óljós hjá Ítölunum þá ná þeir samt þriðja sæti listans, en Rómarborg lagði til á dögunum að gull ríkisins yrði selt almenningi. Hvað sem öllum vangaveltum líður eiga Ítalir 2.451 tonn af gulli
Þýskaland eyddi milljörðum af Bandaríkjadollurum í gull árið 2017 en það hefur greinilega skilað þeim öðru sætinu á þessum lista. En Þjóðverjar eiga í dag 3.369.7 tonn af gulli.
Bandaríkin eiga langmest gull, en þau eiga sem dæmi meira en annað og þriðja sætið á þessum lista til samans. Gullforði Bandaríkjanna er hvorki meira né minna en 8.133 tonn.