Inga Sæland, formaður Flokks fólksins, hefur svarað ásökunum Halldórs Gunnarssonar, eins stofnenda flokksins, með afar óvenjulegum hætti. DV birti í kvöld frétt þess efnis að Halldór hefði skýrt frá því að söfnunarfé af fundi flokksins í Háskólabíói sumarið 2017 hefði ekki skilað sér á reikning flokksins en Inga hafi farið með féð heim. Upphæðin var tæplega hálf milljón króna. Halldór fer fram á opinbera rannsókn á fjárreiðum flokksins.
Stuttu eftir að fréttin birtist birti Inga eftirfarandi vísu á Facebook- vegg sínum:
Íllskan og öfundin granda
allri þótt synd hann hafni
Fullur af heilögum anda
Hann lýgur í jesú nafni
Þess má geta að Halldór var lengi prestur. Í ummælum undir færslunni skrifar einn stuðningsmanna Ingu: „Það tekur enginn mark á Halldóri“