Gríðarleg flóð hafa verið síðasta sólarhringinn á Costa Blanca svæðinu á Spáni eftir miklar rigningar. Er ástandið sérstaklega slæmt í Torrevieja. Hafa yfirvöld ekki haft undan að dæla vatni upp úr húsum og bílastæðahúsum. Þá eru margar strendur í Torrevieja illa farnar eftir vatnsflauminn.
Fjöldi Íslendinga býr á svæðinu og þá eiga margir þeirra íbúðir. Alexía Sól Kristjónsdóttir sem bjó í nokkur ár á svæðinu en er þar í frí, segist aldrei hafa séð annað eins. Hún segir:
„Það hafa verið þrumur og eldingar og mikil flóð. Síðan hafa bílar farið af stað víða í Torrevieja. Það er líka búið að flæða inn í geymslur og inn í íbúðir á jarðhæð.“
Um tíma var ástandið svo slæmt að helstu leiðir út úr bænum lokuðust svo sem vegur númer N332 sem liggur út á flugvöll í Alicante. Þá var gefið frí í öllum skólum í dag.
Þá ljóst er að gríðarlegt tjón hefur orðið víða á Costa Blanca svæðinu en hér fyrir neðan má sjá myndskeið og myndir af eyðileggingunni.