fbpx
Fimmtudagur 02.maí 2024
Fréttir

Geta Kínverjar bjargað íslenska sumrinu ?

Bjartmar Oddur Þeyr Alexandersson
Sunnudaginn 8. júlí 2018 18:00

Kínverjar leggja ýmislegt á sig til þess að hafa áhrif á veðrið. Íslensk stjórnvöld gætu kannski lært eitthvað af því.

Ekki missa af Helstu tíðindum dagsins í pósthólfið þitt

Lesa nánar

Íbúar höfuðborgarsvæðisins hafa mátt þola eitt versta sumar í manna minnum. Sólardagar hafa sjaldan verið færri hér og ef lýsa mætti andlegu ástandi íbúa með einu orði, þá væri það orðið „bugun“. Ef ástandið lagast ekki gætu Íslendingar mögulega leitað til Kínverja til að leysa vandann.

Veðurbreytingastofnunin í Peking er með 37.000 manns í vinnu og hefur um 7.000 fallbyssur og 4.700 eldflaugaskotpalla til afnota. Þá nýtur stofnunin einnig dyggrar aðstoðar kínverska flughersins til þess að reyna að stjórna veðurguðunum.

Ekki eru hefbundin skot notuð í fallbyssurnar, heldur eru skothylkin fyllt silfurjoði sem orsakar efnahvörf þegar það sameinast vantsgufunni í andrúmsloftinu og verður því til rigning. Þessi tækni var ekki fundin upp af Kínverjum heldur Bandaríkjamönnum árið 1946.

Veðurbreytingastofnunin í Kína sér til þess að flestir opinberir frídagar, eins og þjóðhátíðardagur Kína, séu skýjalausir. Þá er tilgangurinn einnig sá að hreinsa andrúmsloftið sem getur verið mjög slæmt í stærstu borgum Kína vegna gífurlegrar loftmengunar. Hlutverk Veðurbreytingastofnunar er ekki bara að sjá til þess að íbúar Kína fái að njóta heiðskýrra sumardaga heldur stunda þeir umdeildar aðgerðir við landamæri Kína.

Þeim aðgerðum hafa nágrannaríki mótmælt og hafa deilur skapast vegna þeirra. Eru Kínverjar sakaðir um að reyna halda öllu því vatni sem skýin bera með sér innan landamæra Kína og skjóta því niður skýin áður en þau ná að fara yfir landamærin til nágrannaríkjanna.

Veðurbreytingastofnunin er þó ekki óbrigðul. Árið 2009, vegna mistaka við framleiðslu á silfur joðinu, skapaðist snjóstormur rétt fyrir utan höfuðborgina Pekingn sem olli umferðartöfum og slysum á tólf hraðbrautum. Það væri því mögulega hugmynd að Guðlaugur Þór Þórðarson, utanríkisráðherra, myndi hafa samband við kínversk stjórnvöld til að reyna bjarga íslenska sumrinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Telja að 450.000 rússneskir hermenn hafi fallið eða særst

Telja að 450.000 rússneskir hermenn hafi fallið eða særst
Fréttir
Fyrir 2 dögum

Brjálaður og braut rúðu í hamaganginum

Brjálaður og braut rúðu í hamaganginum
Fréttir
Fyrir 2 dögum

Lýsir eftir Anítu Rós – „Hún á afmæli á morgun og þætti okkur gott að vita af henni í öruggum höndum“

Lýsir eftir Anítu Rós – „Hún á afmæli á morgun og þætti okkur gott að vita af henni í öruggum höndum“
Fréttir
Fyrir 2 dögum

Hera Björk tjáir sig um gagnrýnina – „Ég átti kannski ekki von á því að það yrði legið ofan í öllum viðtölum“

Hera Björk tjáir sig um gagnrýnina – „Ég átti kannski ekki von á því að það yrði legið ofan í öllum viðtölum“