Cohen á að mæta fyrir rétt í New York í dag þar sem mál hans verður tekið fyrir. Hann hefur nú þegar lýst því yfir að hann muni ekki tjá sig um málið og vísar þar til ráðlegginga lögmanna sinna. Hann vísar í fimmta viðauka stjórnarskrárinnar sem kveður á um að hann þurfi ekki að tjá sig eða veita upplýsingar ef það getur orðið til þess að komist upp um refsivert athæfi hans sjálfs. Þetta kemur fram í dómsskjölum frá alríkisdómstól í Los Angeles.
Alríkislögreglan FBI gerði fyrr í mánuðinum húsleit á heimili og skrifstofu Cohen en FBI er að reyna að afla upplýsinga um 130.000 dollrar greiðslu Cohen til Stormy Daniels skömmu fyrir forsetakosningarnar 2016. Hún fékk þá að sögn greitt fyrir að skýra ekki frá ástarleikjum sínum með Trump.
Lögmenn Cohen telja að þau gögn sem FBI lagði hald á falli undir lög um þagnarskyldu á milli lögmanna og skjólstæðinga þeirra. Alríkisdómari hefur þó hafnað þessu.
