fbpx
Laugardagur 06.júní 2020
Fréttir

Berglind yfirgaf leiguhúsnæði vegna myglusvepps: Missti aleiguna í brunanum hjá Geymslum.is í gær

Ragna Gestsdóttir
Föstudaginn 6. apríl 2018 08:00

Ekki missa af Helstu tíðindum dagsins í pósthólfið þitt

Lesa nánar

Berglind Garðarsdóttir og fjölskylda hennar flutti í janúar í leiguíbúð í Seljahverfi, sem þau urðu að yfirgefa vegna myglusvepps. Fjölskyldan hefur verið húsnæðislaus síðan og í gær dundi enn eitt áfallið yfir þegar það sem eftir var af veraldlegum eigum þeirra varð eldinum að bráð í húsnæði Geymslur.is í Miðhrauni í Garðabæ.

„Við urðum að yfirgefa leiguhúsnæðið fyrir tveimur vikum vegna myglusvepps og þurftum að henda mjög miklu af búslóðinni. Það var mikill myglusveppur kominn í íbúðinni, undir parketinu og fyrir framan baðherbergið. Það fundust sjö tegundir af svepp og þrjár ógreindar tegundir samkvæmt niðurstöðum Náttúrustofnunar,“ segir Berglind í viðtali við DV. „Það eina sem við áttum eftir settum við í geymslu hjá Geymslur.is og það var allt að brenna. Nú er bara allt farið.“

Berglind á þrjár dætur: 4, 8 og 11 ára gamlar og eru þær mæðgur núna bæði heimilislausar og allslausar. „Já, ég er bara heimilislaus og allslaus,” segir Berglind. „Við erum milli vina og ættingja, það skiptist eftir dögum og vikum, hver getur haft okkur.“

Berglind fékk tryggingu vegna leiguhúsnæðisins greidda til baka. Það var 400 þúsund sem verður notað sem leigutrygging í næsta leiguhúsnæði. Tryggingar bæta ekki myglusvepp og fæst því ekkert af búslóðinni bætt sem henda þurfti fyrir tveimur vikum. Sá hluti búslóðarinnar sem brann í gær fæst bættur að 15%, en búslóðin var tryggð hjá Sjóvá.

Ljóst er að fjöldi einstaklinga missti mikið af verðmætum í brunanum í gær og Berglind er ekki sú eina í hennar fjölskyldu, því bróðir hennar varð líka fyrir eignatjóni.

„Bróðir minn missti líka allt í brunanum í gær, hann var með fullt af dóti í geymslu þarna, tjónið er meira svona tilfinningalegt,“ segir Berglind. „Hann er listamaður, og þarna var mikið af teikningum og tilfinningalegum munum frá ömmu okkar og afa.“

„Það eru litlu hlutirnir sem skipta máli“

Berglind segist sjá mest eftir persónulegum munum; listaverkum barnanna, jólagjöfum frá þeim og síku. „Þetta er svakalega tilfinningalegt tjón, maður grætur þessa hluti sárast. Maður sér hvað skiptir máli þegar svona gerist, það eru litlu hlutirnir.“

Berglind keyrði framhjá brunanum í gær. „Ég var nú ekki að troða mér að, en keyrði framhjá. Það var ekkert sem maður gat gert hvort eð var.“

Fjölskyldan leitar nú að nýju leiguhúsnæði og er Seljahverfið óskastaðurinn, enda eru eldri dæturnar í Seljaskóla. „Við erum bara að leita og það kemur vonandi bara sem fyrst.“

Vinkona opnaði söfnunarreikning

Vinkona Berglindar opnaði söfnunarreikning fyrir fjölskylduna, sem vantar núna allt nema rétt hluti til daglegra nota. „Það er yndislegt fólk í kringum mann,“ segir Berglind.

Við hvetjum þá sem geta lagt fjölskyldunni lið að leggja inn á reikninginn. Margt smátt gerir eitt stórt.

Reikningur:0115-26-2913.
Kennitala: 291287-2639.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Ólafur Hand sýknaður
Fréttir
Í gær

Líf hjónanna breyttist eftir skoðunarferð í Grindavík – Björn íhugar málsókn

Líf hjónanna breyttist eftir skoðunarferð í Grindavík – Björn íhugar málsókn
Fréttir
Í gær

Lilja fór gegn tillögu við skipan Einars Huga sem formanns fjölmiðlanefndar

Lilja fór gegn tillögu við skipan Einars Huga sem formanns fjölmiðlanefndar
Fréttir
Í gær

Segir Icelandair skapa áhættu fyrir velferðarkerfið

Segir Icelandair skapa áhættu fyrir velferðarkerfið
Fréttir
Í gær

Óljós staða í viðræðum Icelandair og Flugfreyjufélagsins

Óljós staða í viðræðum Icelandair og Flugfreyjufélagsins
Fréttir
Fyrir 2 dögum

Mannhaf á Austurvelli – „Við viljum ekki vera hér. Við viljum lifa lífi okkar“

Mannhaf á Austurvelli – „Við viljum ekki vera hér. Við viljum lifa lífi okkar“
Fréttir
Fyrir 2 dögum

Segir Oddnýju hafa skellt blautri og skítugri tusku framan í stærstu atvinnugrein landsins

Segir Oddnýju hafa skellt blautri og skítugri tusku framan í stærstu atvinnugrein landsins
Fréttir
Fyrir 2 dögum

Lögreglan beindi skammbyssu að fötluðum manni á áttræðisaldri

Lögreglan beindi skammbyssu að fötluðum manni á áttræðisaldri
Fréttir
Fyrir 3 dögum

Sími Hrannar hvarf á dularfullan hátt: „Pabbi breyttist í handrukkara“

Sími Hrannar hvarf á dularfullan hátt: „Pabbi breyttist í handrukkara“