Á fimmtudag í síðustu viku barst lögreglunni í Oregon í Bandaríkjunum ábending um hugsanlegt morð. Í framhaldinu hófst leit að svartri BMW bifreið og fannst hún að lokum. Í farangursrými hennar var lík fyrirsætunnar Sara Zghoul. Það hafði verið bútað niður og pakkað niður í tvær ferðatöskur. Zghoul var 28 ára.
Fox segir að lögreglan hafi handtekið mann vegna málsins en ekki hefur verið skýrt frá nafni hans. Hann reyndi að fyrirfara sér áður en lögreglan handtók hann en hann var með skurðsár á hálsi og úlnlið.
Zghoul lætur eftir sig ungan son.
Lögreglan hefur ekki viljað segja neitt um málið og því hefur ekkert komið fram um hugsanlega ástæðu morðsins.
