Skelfilegur harmleikur átti sér stað í borginni Bahawalpur í austurhluta Pakistan. Bílstjóri olíutankbíl missti stjórn á bílnum og fór út af veginum. Harmleikurinn varð í kjölfar þess að hópur íbúa þusti að bílnum og ætlaði að verða sér úti um frítt eldsneyti þar sem mikill leki var úr olíutankinum.

Bílstjórinn varaði fólkið við en það skeytti engu um viðvaranirnar. Í sprengingunni létust í það minnsta 140 manns og yfir 100 voru fluttir á sjúkrahús.

Neyðarástandi hefur verið lýst yfir í Punjab-héraði vegna atburðarins. Margir af þeim sem fluttir voru til aðhlynningar á sjúkrahúsi voru með yfir 70% bruna.

Nánar um málið á vef CNN.