Lögreglan á höfuðborgarsvæðinu handtók tvo karlmenn í fjölbýlishúsi í Kópavogi á sjöunda tímanum í gærkvöldi.
Í dagbók lögreglu kemur fram að mennirnir séu grunaðir um ofbeldi gagnvart opinberum starfsmönnum og tálmun lögreglu í starfi. Mennirnir voru vistaðir í fangageymslu fyrir rannsókn málsins. Nánari upplýsingar um atvikið koma ekki fram í dagbók lögreglu.
Þá stöðvaði lögreglan bifreið á Snorrabraut rétt fyrir klukkan eitt í nótt. Ökumaðurinn, ung stúlka, er grunaður um ölvun við akstur, akstur gegn rauðu ljósi og akstur gegn einstefnu.