Gagnrýnir stjórnarsamstarfið í nýjum pistli
Verkalýðsforinginn Vilhjálmur Birgisson gagnrýnir sjálfstæðismenn harðlega í nýjum pistli sem birtur var á Pressunni í dag.
Vísir greindi frá því í gær að Bjarni Benediktsson, fjármálaráðherra hafi sagt fullt afnám verðtryggingar á næstu mánuðum ekki vera til umræðu á meðal stjórnarflokkanna.
Vilhjálmur hefur tekið það illa upp, líkt og fram kemur í pistli hans á Pressunni.
Hann segist ekki skilja hvers vegna framsóknarmenn hafi ekki slitið stjórnarsamstarfinu þegar tækifæri hafi gefist til þess. Að sögn Vilhjálms sé þar með búið að brjóta aðalkosningaloforð Framsóknar.
Hann segir sjálfstæðismenn hafa stungið hníf djúpt í bakið á samstarfsflokki sínum sem muni koma sér illa fyrir Framsóknarflokkinn í kosningunum sem verða í haust.