Erlendur karlmaður handsamaður í Sundahöfn – Ætlaði í skip Eimskips
Öryggisverðir á yfirráðasvæði Eimskips við Sundahöfn handsömuðu í nótt mann sem ætlaði að lauma sér um borð skips í höfninni.
Lögreglunni á höfuðborgarsvæðinu barst tilkynning um málið á fjórða tímanum í nótt. Maðurinn, erlendur karlmaður, var handtekinn en hann ætlaði að reyna að komast um borð í skip Eimskips.
Maðurinn var vistaður í fangageymslu lögreglu og verður yfirheyrður síðar í dag vegna málsins.