Erna Kristín, guðfræðingur, áhrifavaldur og aktívisti fyrir jákvæða líkamsímynd, sýnir hvað sjónarhorn getur skipt miklu máli á Instagram. Hún gaf DV góðfúslegt leyfi til að deila myndunum og boðskapnum áfram með lesendum.
„Nákvæmlega sami líkaminn. Sama daginn,“ skrifar Erna Kristín í Instagram Story og birtir þessar tvær myndir.
„Sitthvort sjónarhornið. Hættum að mata hausinn á okkur á samþykktum sjónarhornum. Öll sjónarhorn eru falleg! Það er svo mikilvægt að sjá fegurðina, líkaminn beyglast og beygist eftir stellingum. Það er fallegt og eðlilegt! Þjálfum augað og heilann að sjá okkur ÖLL. En ekki aðeins út frá samþykktum sjónarhornum. Okkar ÖLL í ÖLLU okkar,“ skrifar hún.
Erna deildi síðan fyrri myndinni á Instagram.
„Því meira sem ég horfi, skoða, samþykki, því meira elska ég!“ Skrifaði hún með myndinni.
„Þessi skilyrðislausa ást á allar fellingar hvernig sem þær beygjast eða teygjast, er engri lík. Lærum að skoða okkur frá allskonar sjónarhornum og venjum augað á okkur. Okkur ÖLL. En ekki aðeins á samþykkt sjónarhorn. Ég tók aðra mynd þar sem maginn er alveg flatur og sjónarhornið algjörlega spot on fyrir akkúrat þannig mynd. Sú mynd er líka falleg. Því það er líka ég og minn líkami og ég samþykki öll sjónarhorn og allan líkaman minn. En ég kaus að pósta þessari…..af hverju? Æ ég er bara svo bilaðslega skotin í þessum líkama og fæ ekki nóg af öllu sem honum fylgir Hver hefði haldið að maður kæmist á þann stað að velja fellingamyndina fram yfir myndina sem er samfélagslega samþykkt? KRAKKAR ÞAÐ ER GREINILEGA ALLT HÆGT !!! Ekki missa von! Hvert skref gildir !! Áfram gakk.“
Erna Kristín opnaði sig nýverið um sína upplifun af átröskun. Hún líkti sjúkdómnum við fangelsi.
„Í dag hef ég ekki ælt í tæp 6ár. Ég tek einn dag í einu. Ég er við stjórn & þannig verður það,“ skrifaði hún með færslunni. Þú getur lesið hana í heild sinni hér að neðan.
