Þolendur kynferðisofbeldis deila upplifunum sínum á lífinu eftir nauðgun á Twitter-síðunni #eftirnauðgun. Síðan vekur athygli á þeim afleiðingum sem kynferðisofbeldi getur haft í för með sér. Hvaða áhrif það getur haft á daglegt líf og hinar einföldustu daglegu athafnir. Ekki er vitað hver stendur að baki síðunnar.
„Líf eftir nauðgun er ekki alltaf auðvelt. Einföldu hlutirnir geta snúið öllu á hvolf. Eins og til dæmis: Þegar öryggisbeltið í bílnum er eitthvað bilað og það tekur að minnsta kosti 5 tilraunir að losa það. Og þú þarft að losa þig úr beltinu oft á dag,“ segir í tísti á síðunni.
*TW* Nauðgun *TW*
Líf eftir nauðgun er ekki alltaf auðvelt. Einföldu hlutirnir geta snúið öllu á hvolf. Eins og t.d.:
– þegar einhver kemur óvænt upp að þér aftan frá og segir ýmist böh eða blæs á hálsinn á þér.
— #eftirnauðgun (@eftirnau) September 25, 2019
*TW* Nauðgun *TW*
Líf eftir nauðgun er ekki alltaf auðvelt. Einföldu hlutirnir geta snúið öllu á hvolf. Eins og t.d.:
– þegar hundarnir gelta hátt því einhver er fyrir utan, einhver sem þú veist ekki hver er.
– þegar lyftan hjá lækninum þínum stendur á sér og opnast ekki.
— #eftirnauðgun (@eftirnau) September 25, 2019
*TW* Nauðgun *TW*
Líf eftir nauðgun er ekki alltaf auðvelt. Einföldu hlutirnir geta snúið öllu á hvolf. Eins og t.d.:
– þegar ógeðiskarl bannar konunni sinni að kaupa sér e-ð í apóteki og gerir grín að því hvernig hún talar – og þig langar mest að hella spritti í augun á honum.
— #eftirnauðgun (@eftirnau) September 25, 2019
*TW* Nauðgun *TW*
Líf eftir nauðgun er ekki alltaf auðvelt. Einföldu hlutirnir geta snúið öllu á hvolf. Eins og t.d.:
– þegar þú sérð nafni nauðgara þíns bregða fyrir á netinu.
– þegar þú tekur bensín við Öskjuhlíð, enginn er í augsýn og ekkert nema myrkur skógur er að baki þér— #eftirnauðgun (@eftirnau) September 25, 2019
Þolendur geta sent upplifanir sínar nafnlaust til síðunnar. Ein kona segir frá því hvernig hún rakst á Facebook-síðu nauðgara síns en hann er virkur í athugasemdum.
Innsent…
Lífið fór að verða ansi erfitt þegar ég rataði óvart inn á prófæl hjá manninum sem nauðgaði mér þegar ég var 15, fyrir 22 árum. Hann var 23. Hann er virkur í athugasemdum. Eftir þessa uppgötvun hefur þyrmt yfir mig reglulega.
— #eftirnauðgun (@eftirnau) October 8, 2019
Innsent frá einni sem deilir hér hvað reynist henni erfitt eftir að hafa verið nauðgað…
– Þegar ókunnugur karlmaður sest of nálægt mér. T.d. í matsal eða biðstofu til læknis.
– Þegar karlmenn undir áhrifum verða reiðir og ég er nálægt. Sérstaklega ef að reiðin beinist að mér.— #eftirnauðgun (@eftirnau) October 6, 2019
