Færsla frá uppgefinni móður hefur nú gengið manna á milli á Facebook þar sem hún lýsir því vel hvernig það er að vera þriggja barna móðir.

Eliane Rosso skrifaði færsluna upphaflega á sínu tungumáli en hefur textinn verið þýddur yfir á ensku og nú íslensku:

Ég er móðir. Ég á þrjú börn. Ég fór til læknis vegna þess að ég þjáist af minnisleysi og á í erfiðleikum með einbeitingu. Læknirinn sagði mér að ég þyrfti að ná átta klukkutíma svefni á hverjum sólarhring.

Ég er líka með bakverki. Sjúkraþjálfari sagði að ég þyrfti á reglulegri hreyfingu að halda. Hann mældi með Pilates 2-3 sinnum í viku.

Kennari eldri sonar míns segir að við þurfum að fylgjast betur með honum á meðan hann sinnir heimavinnunni sinni. Yngri sonur minn heru einnig ýmis verkefni eins og vikulegar kynningar í skólanum, allskonar módel sem hann þarf að útbúa heima og margt fleira. Hann er líka í íþróttum og ég þarf að sitja hvern leik og fylgjast með.

Varðandi yngsta son minn, læknirinn segir að við eigum að elda matinn hans frá grunni með eins ferskum matvörum og við getum fundið.

Bæði maðurinn minn og elsti sonur minn borða ekkert sem er hollt og ferskt svo ég þarf alltaf að elda tvær máltíðir.

Samkvæmt sérfræðingum um menntun og sálfræði á ég að eyða þrjátíu mínútum á dag með hverju barni svo það þroskist almennilega.

Barnalæknar segja svo að við eigum að finna tíma til þess að vera úti. Klukkutími í útivist á hverjum degi er góð fyrir heilann.

Reikningar heimilsins gera það að verkum að ég þarf að vinna ölllum stundum.

Nú hafa sérfræðingar í kennslu og þróun sagt að best sé að leyfa börnum að læra hvenær þau hafa gaman, jafnvel þótt þau séu að leika sér í drullu og ég þurfi að þvo fötin þeirra daglega.

Hjónabandsráðgjafinn segir okkur að við eigum að passa upp á rómantíkina, fara á stefnumót eða eyða tíma saman að minnsta kosti 1-2 sinnum í viku. Einnig þarf að passa upp á kynlífið, það á að stunda 2-3 sinnum í viku.

Ef ég ætla svo að passa upp á frama minn í starfi þarf ég að passa upp á að fara reglulega á námskeið, og lesa bækur.

Sálfræðingurinn minn er svo búinn að segja mér að ég þurfi að eyða meiri tíma í sjálfa mig.

Svo núna er ég bara að leita að einhverjum töfra sérfræðingi sem getur sýnt mér hvernig ég á að fara að því að gera allt þetta á 24 klukkutímum.