Draumur, hver er draumurinn!?!
Minn stærsti draumur er að stofna fjölskyldu, það er lítið annað sem kemst að hjá mér þessa dagana.
En ég tók af sakarið og er byrjuð á undirbúnings vinnu fyrir komandi ár.
Í byrjun árs tók ég þá ákvörðun að ég ætla mér að láta drauminn rætast. Til þess að þetta sé möguleiki þá þarf ég að plana mig vel. En að sjálfsögðu var fyrsta skrefið að panta tíma hjá IVF klíníkinni sem ég og gerði, fyrsti tími hjá lækni er í byrjun febrúar. Það sem ég er samt spennt að tala við lækninn og fá nákvæmari lýsingar á því hvernig ferlið er, hvað ég þarf að gera og hvort ég sé hreinlega kandídat í tæknisæðingu með gjafasæði.
Samt sem áður er ferlið hafið þar sem ég mætti í blóðprufu í síðustu viku sem væri sennilega efni í aðra færslu, en í stuttu máli er ég vel marin eftir margar tilraunir við nálina.
En bara vitandi það að ferlið sé byrjað og ég byrjuð að vinna í því að ná markmiði mínu er mjög góð tilfinning.
Í stuttu máli er ég yfir mig spennt fyrir komandi verkefni og hlakka til að deila því með ykkur.
Þangað til næst…
Þið finnið mig á Sanpchat & Instagram: SIGGA LENA
Sigga Lena hefur áður fjallað um þá ákvörðun að eignast barn án maka og má lesa þá færslu hér.
Færslan birtist upphaflega á Fagurkerar.is
