Við vörum við rosalega krúttlegri frétt. Fyrir þá sem eiga auðvelt með að krútta yfir sig, þá mælum við með að standa upp og fá sér vatnsglas áður en lestur heldur áfram. Móðir að nafni Lydia Stith Rosebush deildi sögu um fimm ára son sinn, Jax, á Facebook. Jax vildi fá sömu klippingu og vinur sinn, Reddy, til að plata kennarann þeirra.
Færslan gekk eins og eldur í sinu um netheima út af sérstakri ástæðu, Jax er hvítur og Reddy er svartur. Lydia deildi þessari mynd af strákunum frá því í desember, áður en Jax fór í klippingu. Með myndinni skrifaði hún:
Í morgun vorum við Jax að ræða villta hárið hans. Ég sagði honum að hann þyrfti að fara í klippingu um helgina. Hann sagðist vilja láta raka hárið sitt mjög stutt svo hann gæti litið út eins og vinur sinn Reddy. Hann sagðist ekki geta beðið eftir að fara í skólann á mánudaginn með hár eins og Reddy svo kennarinn gæti ekki þekkt þá í sundur. Honum fannst það vera svo fyndið að rugla kennarann sinn svona með sömu klippingunni.
Samkvæmt móður Jax þá áttar hann sig bókstaflega ekki á að vinur hans er svartur (eða hann áttar sig ekki á því að hann er hvítur). Hann er nú aðeins fimm ára og er þetta afskaplega krúttlegt.
Ef þetta er ekki sönnun að hatur og fordómar er eitthvað sem er kennt þá veit ég ekki hvað er. Eini munurinn á þeim sem Jax sér er hárið þeirra,
skrifaði Lydia í færslunni. Jax fór að sjálfsögðu í klippingu og deildi mamma hans myndinni af nýja hárinu á Reddit. Svona líta þeir út núna.
Gætu þeir verið sætari?!
