Krakkarnir fengu gefins nokkur eintök af Beint í mark en þar á meðal var eitt áritað af Jóhanni, Gylfa Þór Sigurðssyni og Aroni Einar Gunnarssyni.
,,Okkur fannst það bæði gaman og í raun skylda að gleðja þá sem eru að glíma við erfiðleika, jólin eru tími til þess að gefa af sér ef maður getur,“ sagði Magnús Már Einarsson einn af höfundum spilsins í samtali við Bleikt.
Spurningaspilið Beint í mark hefur slegið í gegn hjá þeim sem hafa prófað undanfarnar vikur. Spurningarnar eru styrkleikaskiptar sem auðveldar öllum að spila með – sófa sérfræðingum jafnt sem öðrum!
,,Okkur fannst tímabært að koma með svona alvöru fótboltaspil, ég held að þetta sé jólagjöfin sem allir kærastar vilja undir tréð hjá sér í ár,“ sagði Magnús um spilið.
Tæplega þrjú þúsund spurningar eru í spilinu og er þeim skipt í fimm flokka.
Spurningunum er síðan skipt upp í þrjá styrkleikaflokka og því eiga allir að geta fundið eitthvað við sitt hæfi, ungir sem aldnir.
Ef mikill getumunur er á keppendum er auðvelt að breyta stigagjöfinni og jafna leikinn. Sá sem er fróðari um fótbolta er látinn svara spurningum úr flokki tvö eða þrjú á meðan aðrir sem minna vita svara spurningum úr auðveldasta flokknum, flokki 1. Allir fá 1 stig fyrir rétt svar.
Að spilinu standa
Jóhann Berg Guðmundsson (Landsliðsmaður)
Magnús Már Einarsson (Ritstjóri Fótbolti.net)
Hörður Snævar Jónsson (Ritstjóri 433.is)
Helgi Steinn Björnsson (Viðskiptafræðingur)
Daníel Rúnarsson (Hönnun og rekstur)
Spilið er til sölu á heimasíðu þess en hægt er að velja um að fá spilið heimsent eða að sækja það.
Beint í mark er einnig komið í yfir 70 verslanir um allt land, Þú finnur Beint í mark í eftirfarandi verslunum: Bónus, Hagkaup, Nettó, Pennanum, Elko, Byko, Kjörbúðum, A4, Spilavinum, Jóa Útherja og Ozone Akranesi og Kaupfélagi Skagfirðinga.
