Morgan Jane Gibbs olli nokkru fjaðrafoki á dögunum þegar hún blekkti heimsbyggðina með ljósmynd af hráum kjúklingastrimlum sem hún sagðist ætla að gæða sér á. „Þeir eru svo góðir að ég trúi því ekki að ég hafi aldrei prófað þetta áður,“ skrifaði Morgan við hávær mótmæli. Pressan sagði frá málinu.

Það var ekki fyrr en færsla hennar var komin í heimspressunnar að það lá ljóst fyrir að Morgan var að gera grín. Hún hafði aldrei ætlað sér að borða hráan kjúkling heldur vildi hún einfaldlega hneyksla fólk sér til skemmtunar.

Flestir eru meðvitaðir um mikilvægi þess að hafa hreinlæti í forgang við eldamennsku og tryggja ávallt að kjúklingur sé vel eldaður. En hvers vegna er svona hættulegt að borða hráan kjúkling?

Blaðamenn Vice leituðu ráða hjá matarsérfræðingnum Rick Holley sem sagði léttur í bragði að eflaust væri öruggara að reyna að ganga þvert yfir hraðbraut á háanna tíma. „Áhættan er umtalsvert meiri en þegar kemur að nautakjöti eða hráaum laxi, svo dæmi séu tekin,“ segir Rick sem þykir áhættan á bakteríusmiti nógu mikil í þeim tegundum.

„Að lágmarki 25 prósent af öllum kjúklingum eru mengaðir af salmonellu, og til eru 2.600 tegundir salmonellu,“ segir hann. Á sama tíma er mikil hætta á öðrum bakteríusjúkdómum svo sem kampýlóbakter, listeríu og í sumum tilfellum E. Coli.

Á vef Landlæknisembættis kemur fram að einkenni salmonellu séu meðal annars niðurgangur, ógleði, uppköst, kviðverkir og hiti. Þetta gengur oftast yfir á fáeinum dögum. Listería veldur yfirleitt ekki sjúkdómum hjá fullfrísku fólki. Í sjaldgæfum tilfellum getur hún valdið heilahimnubólgu. Hjá barnshafandi konum getur hún valdið fósturláti eða leitt til fyrirburafæðingu. Eitt helsta einkenni E. Coli er niðurgangur sem oft er blóðugur. Slæmir kviðaverkir og uppköst koma einnig til greina.