Í gær ákvað hún þó að segja opinberlega frá því hvað er að hrjá hana.
The Mighty greinir frá því að söngkonan birti yfirlýsingu á Twitter þar sem hún greinir frá því að hún hafi verið greind með vefjagigt.
Vefjagigt er langvarandi verkjasjúkdómur sem veldur miklum verkjum víðsvegar um líkamann, þreytu og gleymsku.
Barátta hennar við sjúkdóminn verður sýnd í nýrri heimildarmynd sem Netflix framleiðir „Gaga: Five Foot Two“ sem kemur út 22 september næstkomandi.
Ég vil vekja athygli á sjúkdóminum og sameina fólk sem hefur hann,“ segir Gaga í yfirlýsingu sinni á Twitter.
Gaga viðurkennir að erfitt hafi verið að taka upp heimildarmyndina og segja frá verkjum sínum, en það hafi einnig verið frelsandi fyrir hana. Hún viðurkennir að það fylgi því oft mikil skömm og sjálfsásakanir að lifa með verkjasjúkdóm og að fólk trúi því ekki alltaf að þetta sé í raun og veru barátta.
Ég vil að fólk sem trúir því ekki að ég geti verið með verki vegna þess að þau sjá mig syngja og dansa horfi á myndina og sjái að þetta er barátta fyrir mig alveg eins og hjá öðrum. Ég vinn mig í gegnum þetta og það er hægt. Við sem erum greind með þennan sjúkdóm þurfum að standa saman. Ég þarf ekki að fela þetta af því að ég er hrædd um að þetta sé veikleiki, þetta er hluti af mér.
segir Gaga um heimildarmyndina.
