Hin óviðjafnanlega Val Garland hefur tekið við sem listrænn stjórnandi hjá L’Oréal! Við höfum lengi vel þekkt Val sem ótrúlega færan förðunarfræðing sem þorir að taka áhættu og fara sínar eigin leiðir.
Val hefur starfað með mörgun af skærustu stjörnum Hollywood en þar má meðal annars nefna Taylor Swift, Kate Moss og Lady Gaga. Hún er til dæmis snillingurinn á bakvið hin frægu skörpu kinnbein Lady Gaga sem hún skartaði fyrir Born This Way plötuumslagið sitt.
Val segist ekki geta beðið eftir því að fara inn á tilraunastofur L’Oréal og hjálpa til við að skapa förðunarvörur sem hún telur sjálfa sig og aðrar konur vilja nota. Hún heillast af þeirri hugmynd að búa til glæsilegar hágæða snyrtivörur á viðráðanlegu verði.
https://www.instagram.com/p/BT6zAFpBjWv/?taken-by=lorealmakeup&hl=en
Við hlökkum svo sannarlega til að sjá hvað Val Garland tekur sér fyrir hendur undir merki L’Oréal.
