Inklaw Clothing var stofnað 2014 af nokkrum vinum í Reykjavík. Fötin þeirra eru í afslöppuðum götustíl og undir áhrifum hip-hop menningar. Inklaw er eitt merkjanna sem tekur þátt í Reykjavík Fashion Festival næstu helgi í Hörpunni.

Við fengum Guðjón Geir Geirsson, einn aðstandenda Inklaw til að svara nokkrum spurningum fyrir lesendur Bleikt.

Gjörið svo vel!

Vivienne Westwood býður þér í kvöldverð – í hverju ferðu og hvern tekur þú með þér?

Ég færi líklegast í svörtum rifnum gallabuxum, oversized svartri skyrtu og leðurjakka. Ég tæki líklegast strákana í Inklaw með mér sú blanda klikkar ekki.

Hvaða stórstjörnu mundirðu vilja sjá í fötunum þínum?

Fyrir ári síðan hefði ég sagt Justin Bieber en sá darumur varð að veruleika þannig ég myndi örugglega segja Wiz Khalifa, A$AP ROCKY og Neymar JR.

Lýstu hönnun þinni í 5 orðum?

Ég myndi segja að Inklaw væri minimalískur og einfaldur götufatnaður

Ef þú mættir bara klæðast tveimur litum í heilt ár, hvaða litir yrðu það?

Svartur og hvítur.

Nefndu þrjár persónur eða atriði sem hafa mikil áhrif á hönnun þína?

Ég myndi segja að tónlist hafi mestu áhrifin á mig, þá aðalega hiphop, bæði myndbönd og sviðsframkoma hjá listamönnum.

Hvaða tónlist er í spilaranum?

Í þessum töluðu orðum er það nýja platan með Future „Future”

Hvar verður þú eftir fimm ár?

Vonandi verð ég með strákunum í Inklaw að gera það sem við elskum að gera nema á hærra leveli.

Hvað er best við RFF?

Það besta við RFF er hvað hátíðin er frábært tækifæri til að kynna merkið okkar betur bæði hér heima og einnig erlendis.

Hvar er hægt að fylgjast með ykkur?

Það er hægt að fylgjast með Inklaw á Instagram undir @Inklawclothing